عضوين يجب الحذر منهم!!!!!

يا جماعة في عضوين بشاركو معنا في كل المواضيع والعضوين دوول لو لحظتو هما سبب كل المشاكل في المنتدي انا مبقولش نشيل العضوين دول بس على الاقل نحذر منهم ونخلى بلنا منهم طبعا هتموتو وعرفو العضوين دول مين انا هتطر اقول اساميهم لان من غير اساميهم مش هنعرف نحذر خالص بجد بجد العضوين دول لو استعملناهم كويس هنقدر نكمل في المنتدي احنا منقدرش نستغني عن العضوين دول بس خلو بالكم اللهم اني بلغت اللهم فاشهد انا هقول مين هما العضوين
اول عضو هوا
اللسان
زي ما المقولة بتقول لسانك حصانك ان صنته صانك يا جماعة العضو ده منقدرش نعيش غير بيه ولكن لازم نخلى بالنا من كل كلمة بنكتبها يعني افتكر ان الكلمة دي يوم القيامة هتتسال عليها فليه نقعد في المنتدي نجمع سيئات وخلاص ليه منخلهوش في مصلحتنا احنا يا جماعة عايزين نخلى الكلمة الحلوه دايما على طرف لسنا ونبعد الكلام الوحش طب تخيل انك اسات لعضو بكلمه جرحته والعضو ده مرجعش تاني قولى ازاي هتجيبه عشان تعتذزله وتقوله سامحني مكنش قصدي ولا هتستني لما ربنا سالك هاااااااااااااا قولت ايه طيب مش عايزين الهزار يا خدنا لبعيد يخلينا نقول كلام مش كويس نندم عليه انا مبقولش متهزرش ازاى دانا رئيسة اول واحد يحب الهزار بس في حدود بس بقول هزر بحدود وخلى بالك ان ربنا شيفك بتعمل ايه لو حسيت ان في عضو هزر بغير حدود متجرهوش في الهزار لان في الاول وفي الاخر قبل منخاف على المنتدي احنا خايفين من ربنا انا عندي كلام كتير نفسي اقوله بس مش جاي دلوقتي في دماغي بس يا جماعة قبل من سيب العضو ده عاوزه افكركو مش لازم كل مواضيعك واراك كل الناس تقتنع بيها لا لازم تستفيد من اوجه النظر المختليفة لان كل واحد فينا بيشوف الموضوع من زويته الخاصة وفي الاخر لما تشوف الاراء المختلفة هتقدر تكون فلسفتك الخاصة وتقدر كمان تنمي قدراتك يعني لو لقيت حد بيخالف وجهة نظرك حاول تناقشه باسلوب جميل مبيزعلش وكمان فكر في رايه يمكن يكون صح لان مش دايما رايك هوا الصح ولو حد اتريق على موضوعك مش لازم ترد الاساءة بالاساءة لا ممكن ترد عليه باسلوب مهذب وهوا هيتحرج من زوقك وهيعتذرلك بنفسه



يلا نشوف العضو التاني

القلب
طبعا في المنتدي في ناس عارفهم شخصيا ناس منهم بتعزهم وناس تانية بتكرها لا وفي اكتر من كدا ناس عمرك مشفتهم بس لمجرد انهم عارضوك في الراي تكرهم كل ده بسبب العضو اللى اسمه القلب يا جماعة (_كررتها كتير انا عارف) ابعد قلبك عن اى مواضيع انس مين اللى كتب الموضوع خليك بس في صلب الموضوع وقول رايك بصراحة وسيبك من الردود اللي حفظناها شكرا مرسي وما شابه لانك لو رديت على شخص وافتكرت انك بتكره هتعمل حاجة من التلاتة اما انك مش هترد على الموضوع بالرغم من اهميته او انك هترد باسلوب مش كويس او انك هتعارض رايه رغم انك مع رايه طب لو حد بتعزه طبعا دايما رايك زي رايه لانه صاحبك او زميلك وهيشتغل النفاق وكمان هترد على كل المواضيع بتاعته رغم هيفتها انا بقول الكلام ده عشان نقلل الخلافات اللى بينا وكفاية كدا



اشوف المشاركات واقلكم باقي رايي