يأهل الزعامه والفخر بـر وبحـر
الطيب مزن(ن) كل عين تخايلـه
لاحت بروقه بالمكـارم والضفـر
لجت ارعوده وأرهشـت مخايلـه
سيله عمار الـدار طمـام الوعـر
أكبر شعاب الارض منـه سايلـه
هذاك فعلك يا ضياء الصبح الأغر
يا شيخ ابو مشعل زبون الطايلـه
سلام ما نسنس هوى الغربي عصر
من خافق(ن) صدق الولاء دلايلـه
بالعود الأزرق والخزاما والزهـر
باسمي واسم ربعي وفـت مكايلـه
ينبض بها الخافق بلسـان وبصـر
والقاف صوبـك زرلفـت ذلايلـه
تطوي سباريت الحماسه والفخـر
اليـن عنـدك نوخـت رحايـلـه
يا صفوة القطبين من بدو وحضـر
ياللي جميلك مانحصـت جمايلـه
من سيرتك نستخلص دروس وعبر
أصغـر معانيهـا تعـدل المايلـه
مثل المطر لامن تحـدر وانهمـر
طيبك غمرنا والشعـوب تخايلـه
يالفذ يالجهبـذ فـي برد(ن)وحـر
الفضل من فضلك رقـت فضايلـه
بحر الندى قهر العدى الحلو الأمر
حلال حـال الـي حلولـه حايلـه
في كفك من الجود رعـاد ومطـر
وفي وقفتك يخفي الزمـن نكايلـه
والجود من جودك تجلى واشتهـر
والسيـف منـك حـده وصمايلـه
غيث(ن) تغيث المستغيث من القهر
اليا اجدبت جرد الفجـوج الغايلـه
وان دقت الساعه نواقيس الخطـر
والقول زعزع هقـوة الـي قايلـه
عزمك يزلزل صم جلمود الصخر
وظلك يظلل مـن لهيـب القايلـه
تحل ما لاحل مـن قبلـك بشـر
والصعب عنـدك تنفـرد حبايلـه
يشهد لك العالم ويبصـم بالعشـر
لانجازك الي كل مجـد(ن) نايلـه
مقدم هل العلياء مطاليـق الشبـر
لاجلجـل البـارود قـب اصايلـه
ذروة تميم المجد من هامة مضـر
اهل البيارق والجيـوش الصايلـه
حريبهم يصلى على نـار الجمـر
حليفهـم فـوق الثريـا خايـلـه
وأهل قطر في سر ولا في جهـر
بالصـوت الأعلـى رددت قبايلـه
حنا قطر حنا قطـر حنـا قطـر
جيناتـنـا مختلـطـه بنثايـلـه
على الرمك واكوار حسكات الوبر
يوم المصوب يبتلـش بـه شايلـه
رمحن يسل الدرع ويفيـج النحـر
وسيف(ن) وعزرائيل في سلايلـه
ما همنا كبر المكابـر لـو كبـر
وما همنـا غـل الغليـل وغايلـه
ماهمنا هرش الحرايب لـو هـدر
معنا لعقر الهـرش قـدره هايلـه
كالنار لا تبقـي عليـه ولا تـذر
ياكـم فرقنـا خـل مـن خلايلـه
عادتنا نقدم على المـوت الحمـر
لافـرع المجمـول عـن جدايلـه
امـا حيـاة العـز والا يالقـبـر
الصيـت يبقـى والليالـي زايلـه
رررر
اليومية
الأربعاء 24 مارس - 16:16 من طرف 
