من يجرأ يقول هذا مش معقول
في يوم الجمعة وعيد الاضحى العيد الكبير
في يوم الوقفة على عرفة يعدم الاسير
هذه العراق الجديدة الديمقراطية الفريدة
هذا التصالح بين الاخوة وهذا الوفاق
يبدأ بالجثث المحروقة وقطع الاعناق
بفرق الموت الرهيبة سمعة بوغريب العجيبة
بين سنة وشيعة يتوسط الامام بلير
¤¤¤¤¤¤¤¤
قالوله بدت محكمتك نبدأ بسين
قاللهم قاري الاخلاص وطه وياسين
قالوله ايدك ع المصحف واحلف يمين
قاللهم نقسم ع المصحف انكم خاينين
قالوله تحلم والباين عندك حنين
قاللهم ثأري لبغداد وقانا وجنين
قالولة تنادي بالوحدة وحدودك وين
قاللهم تبدأ بمراكش حتى البحرين
قالوله وين القومية والقوميين
قاللهم للوطن العربي هيا الشرايين
قالوله تدرب وتمول في الفدائيين
قاللهم والله إلا النية في فلسطين
قالوله اذاعتك بتصرخ وين الملايين
قاللهم بكرة لقبري بيجوا زايرين
قالوله برا خرجنا المحاميين
قاللهم أنا محامي صدام حسين
قالولا أولادك قتلنا ماتو الاثنين
قال النشامة سموهم بالرافدين
قالوله بنتك تستقبل في العزايين
قاللهم رغدة ما تنزل دمعة من عين
قالوله زوجتك ما حضرت يوم التأثيم
قاللهم ساجدة للعالي وتعرفني زين
قالوا حفيدك قاومنا ما باش يلين
بدأ يتبسم قاللهم قاري حطين
قالوله القادة باعدامك الكل مبسوطين
تنهد قاللهم هو هذا السر الدفين
¤¤¤¤¤¤¤¤
ليش المراجع ما تراجع طرح السؤال
كيف العراق بيتحول دجل وانفال
بصمات امريكا موجودة في العمة البيضة والسوداء
في جبة كردي ماهو عادل ولا واسع بال
في جلسة وقاعة امنها جيش الاحتلال
دستور بريمر واذنابه في قادة جو ع الدبابة
في جيش بيرقص فوق جثة معدوم اسير
¤¤¤¤¤¤¤¤
قالوله جيشنا في قصرك والعرش انهار
قاللهم قصري في الجنة بين الابرار
قالوله رجالك مطبوعة على ورق دمار
قاللهم شعبي المقاوم كله ثوار
قالولة صورتك شلناها من ع الدينار
قاللهم صورتي محفورة بقلب الاحرار
قالوله شلنا تمثالك في لحظة طار
قاللهم حط في بنغازي جنب المختار
قالوله تسعى بيش تملك اسلحة دمار
قاللهم والله لو عندي ما هذا صار
قالوله وصلنا لعنقك ما بيننا ثأر
قاللهم عارف شن داير زيدو العيار
قالوله موتك مؤكد ليش الاصرار
قاللهم هذا شعاري الموت ولا العار
قالوله اعدامك ما ينقل سر من الاسرار
قاللهم بثوا مباشر عبر الأقمار
قالوله أخبارك معروضة ع المستشار
قاللهم حتى وأنا ميت نصنع الاخبار
¤¤¤¤¤¤¤¤
قالولنا خايف مستسلم منهار وذال
جتنا الحقيقة اللي تشرف عبر النقال
قالوله غادر كلاجئ وارحل في الحال
قاللهم عيب يقولوها هذا ما مازال
قالوله الرجلة ما تنفع مرات هبال
قاللهم هلها أنا ليها هاتوا الاحبال
قالولة الحبل اللي في عنقك ما يجيب آمال
قاللهم خلة يجيه يوم يجيبوه رجال
¤¤¤¤¤¤¤¤
هذه أغنية ليبية أعجبتي واعجبني شعرها
اتمنى أن تحوز على اعجابكم ورضاكم
اليومية
الأربعاء 24 مارس - 16:16 من طرف 
