الجرى نص الجدعنة
مرة وانا ماشى بالعربية عملت حادثة مع واحد بس كانت خبطة بسيطة يعنى المهم الراجل اللى انا خبطته وقف وانا وقفت وروحت نازل من العربية وهو راح نازل من العربية اول لما هو نزل من العربية ومشى ناحيتى روحت انا راكب تانى وجريت بالعربية
قلم سخن
وانا ماشيه فى الشارع ومش عجبنى حاجه واعت اقول يارب الى انت بتعملو معيا دى نفسى فى اى حاجه تفرحنى مكملتش الكلمه كانت فى بنت مختله عقليا راحت ادتنى حتت قلم مختوش فى حياتى وكنتش اقدر اتكلم عبيطه اقوله ايه من سعتها حرمت اتكلم او اعترض
الكدب ملهوش رجلين
انا و صحابى متعودين لما نتكلم على ولد معانا فى الكلية نتكلم على اساس انه بنت عشان لو موجود ميحسش اننا بنتكلم عليه فمرة واحد معانا مشفنهوش من فترة وكان جاى و دقنه طويلة رحت انا و بصوت عالى جدا قلت لاصحابى الحقوا يا
جماعة ميرنا مربية دقنها الناس اللى كانوا فى المكان ماتوا على نفسهم من الضحك وعرفوا اننا بنتكلم على الولاد باسامى بنا
انا وصحابى
فى مرة كنت انا وصحابى خرجين وكان السواق هو الى بيسوق ووقفنا اشترينا حاجات واتفسحنا وجينا نرجع الجراج لقينا كل العربيات نفس نوع العربية بتعتنا وانا مكنتش وخده بالى وفى واحد طالع من العربية بيشاورلنا فأنا قلت ايه الراجل الاهبل ده بلاش تلف ودخلت عربية والعربية مكنتش بتعتى بصيت لقيت واحد تانى بيبصلى مستغرب ايه المجنونة دى طلعت بسرعة من العربية ولسه الراجل بيشاور بنبص كويس لقيت السواق ركبنا العربية وصحابى فطسنين على نفسهم من الضحك عليه
احراج ما بعده احراج
لآلالا انا اكتر موقف محرج حصلى انى كنت قاعده فى الفصل وبعدين قاعده اقلد مدرس عندنا والفصل كله فى وشى بيضحك على وكان فى قفايا الباب وبعدين لقيت العيال وشها احمر وكلهم بيقوليلى بصى وراكى وانا اكمل برده غباء بعيد عنكم هههههههههه المشكله مش فى كده بعد ربع ساعه قلت ابص ورايا لقيت المدرس كمان فطسان على روحه من الضحك قمت ناطه من الشباك بتاع الفصل الحمد لله كنت فى اول دور الحمد لله فعلا بص بعد كده المدرس وانا بقينا اصحاب
العمى
مرة كنا قاعدين عند واحد صاحبنا و كان عنده قريبه نايم فى الوضة و كان فى ماتش ساعتها رايحين نتفرج عليه راح هو قالنا على فكرة علشان نصحى قريبه روحنا طافين كل النور الى فى الشقة وقافلين الستاير كلها لحد ما كانت الدنيا ضلمة على الاخر و شغلنا الراديو على الماتش ونهيص و نزعق بصوت عالى لحد ما صحى وهو مفكرنا بنشوف الماتش على
التلفزيون واحنا عاملين نشجع و نهيص على اساس ان احنا بنتفج على التلفزيون بالظبط لحد ما شك انة اتعمى
تشابه اسماء
القصه هى انى انا كنت راكب مواصلات بس كانت الساعه متأخره بعد نص الليل يعنى وعدينا على لجنه والظابط قلى ورينى البطاقه ورتهاله وبص فيها وقل انت ابن اللواء احمد محمود قلتله ايوه وقلى اتفضل يا استاذ امشى وانا اصلا ابويا مش لواء ولا حاجه انا ابويا محاسب بس اعمل ايه تشابه اسماء
اليومية
الأربعاء 24 مارس - 16:16 من طرف 
